مستغرب ليه ؟
ده طبيعى أكون غير كل الناس
وطبيعى كلامى يكون حساس
أصل أنا شاعر
.........................
و ضرورى أحب و ضرورى أتحب
أو يطلع شعرى كدب فى كدب
ما أنا لازم أعيش القصة عشان
أوصفها يا اما هتطلع كدب
..............................
أو تطلع أى كلام فى كلام
و انا عارف ان الكدب حرام
..............................
علشان كدة انا نفسى أحب
و عشان كدة لما أكتب "وطنى" بتعجب
بيه
ده الاحساس الصح اللى انا دايما بالاقيه
و بمعنى أصح الى انا حسيته
او حتى يجوز تقول ان أنا عايش بيه
و سألنى صاحبى فى مرة ما بتكتبش رومانسى ليه
؟
و ساعتها ما كنتش عارف ممكن ارد أقوله ايه ؟
يمكن علشان لا عرفت الحب ولا مرة حسيت بيه
.............................
أو جايز ان الحب اختفى فجأة
حتى الناس صبحت باردة
و العيشة صعبة و معاندة
هنعيش ازاى من غير الحب
هنعيش بعقول من غير ولا قلب ؟؟!!!!
و القلب مهم
و اكيد مش مخلوق بس يضخ الدم
معمول علشان يستحمل حب و عشق و حزن و هم
من غير القلب
من غير الحب
من غير الحب
العيشة هتصبح مالهاش طعم
وتلاقى ملامح الناس مرسومة بغم
من غير القلب
مافيش فى وشوش الناس ولا نقطة دم
..................................
أحيانا كنت بأفكر أبطل أكتب شعر
و ساعات كنت بأفكر أبطل أصلا أكتب
لانى كنت بأفكر فى قصيدة يجى تلاتين شهر
ما أهو أحسن ما أكتب أى كلام و أكتشف ان أنا
بأكدب
و ساعات باتمنى ان قصايدى يكون لها صوت
و الناس تسمع انا أقصد ايه
و ساعات كنت بأعيس متمنى الموت
و بأقول لو مت ساعتها ممكن يحصل ايه ؟
ليست هناك تعليقات:
إرسال تعليق